18-19 მარტს, ბეირუთში, იუნესკოს სასახლეში ევროკავშირისა და ლიბანის თანამშრომლობის დღეები გაიმართა. ღონისძიების მიზანი იყო საზოგადოებისათვის ევროკავშირის მიერ ლიბანში დაფინანსებული პროგრამების წარმოჩენა და გაცნობა. ორდღიანი პროგრამის ფარგლებში გაიმართა დისკუსიების სერია ეკონომიკური განვითარების, ადამიანის უფლებების, მმართველობის, სოციალური და კულტურული განვითარების, მემკვიდრეობის, ჰუმანიტარული დახმარებისა და მრავალ სხვა საკითხზე.
პროექტი „ომისგან თავისუფალი მსოფლიო მემკვიდრეობის ნუსხაში შესული ქალაქები“ წარმოაჩინა პროექტის ადგილობრივმა კოორდინატორმა პროფ. რაშიდ ჩამონმა. მან ასევე მონაწილეობა მიიღო პროგრამის ფარგლებში გამართულ დისკუსიაში „კულტურული მემკვიდრეობის გადარჩენა“.