WATCH-ი შეიარაღებული კონფლიქტის დროს მატერიალური და არამატერიალური კულტურული მემკვიდრეობის დაცვის საერთაშორისო ასოციაციაა.
WATCH-ი არის კულტურული მემკვიდრეობით დაინტერესებული მხარეებისა და მოხალისეთა გლობალური ქსელი. მას არ გააჩნია პოლიტიკური, რელიგიური ან ეროვნული მიკერძოებულობა და ინარჩუნებს სრულ ნეიტრალიტეტს, რათა მოიპოვოს კონფლიქტებსა და საომარ მოქმედებებში ჩართული მხარეების ნდობა.
ძირითადიმიზნები:
- ხელი შეუწყოს მატერიალური და არამატერიალური კულტურული მემკვიდრეობის დაცვას;
- ნგრევის, ვანდალიზმის, უკანონო ვაჭრობის, ძარცვის, მოროდიორობის რისკების ადრეულ ეტაპზე გამოვლენის სისტემების შემუშავება და კულტურული მემკვიდრეობის დაცვის მექანიზმების ამუშავება შეიარაღებული კონფლიქტის დროს და შემდეგ.
კონკრეტულიამოცანები:
ხელი შეუწყოს კულტურული მემკვიდრეობის დაცვას ჰააგის კონვენციით გათვალისწინებული კრიტერიუმების შესაბამისად:
- სამოქალაქო საზოგადოების ჩართვითა და საზოგადოებრივი ცნობიერების ამაღლებით;
- საკითხების მშვიდობიანი გზით გადაწყვეტითა და კულტურათა შორის დიალოგის ხელშეწყობით;
- შეიარაღებული კონფლიქტის შედეგად მიყენებული ზიანის შესამცირებლად პრევენციული ღონისძიებების გატარებით;
- სამართალდამცავ და სამხედრო უწყებებთან თანამშრომლობითა და სამხედრო-სამოქალაქო ურთიერთობების განვითარებით;
- სასწავლო თემატური პროგრამების შემუშავებით;
- ინტერდისციპლინური ექსპერტიზის უზრუნველყოფით;
- კულტურული მემკვიდრეობის დოკუმენტირებით უახლესი ტექნოლოგიების გამოყენებით.
საჭიროების შემთხვევაში WATCH-ი ერთვება კრიზისულ სიტუაციებში მსოფლიოს ნებისმიერ ადგილას და დროს.