დამიანო ადელფიო, დაამთავრა რომის Sapienza-ს უნივერსიტეტის არქიტექტურის ფაკულტეტი. 1983 წლიდან არის რომის არქიტექტორთა საბჭოს წევრი, Alchemia Project Associates-ს თანადამფუძნებელი და ხაზინადარი. 2006 წლის იანვრიდან არის „შეიარაღებული კონფლიქტის დროს მატერიალური და არამატერიალური კულტურული მემკვიდრეობის დაცვის საერთაშორისო ასოციაციის“ სამეურვეო საბჭოს წევრი.
მისი პროფესიული საქმიანობის სფეროა არქიტექტურა, არქიტექტურული მემკვიდრეობის დაცვა და კონსერვაცია, ურბანული რეაბილიტაცია, რეგიონული დაგეგმარება, ხელოვნება და ხელოსნობა.
ათი წლის განმავლობაში ხელმძღვანელობდა EdiArchi-ს, რომელიც სპეცილიზებული იყო არქიტექტურაში, არქიტექტურის სარესტავრაციო და საკონსერვაციო პროექტებში. ამის შემდეგ პროფესიული საქმიანობა განაგრძო რომში როგორც თავისუფალმა არქიტექტორმა და კონსულტაციებს უწევდა კერძო პირებსა და კომპანიებს არქიტექტურაში, ინტერიერის დიზაინსა და გაფორმებაში.
გეოგრაფიული არეალი: ახლო აღმოსავლეთი და ევროპა.
ენები: იტალიური, ინგლისური, ფრანგული.