ორი ქალაქი – ბიბლოსი ლიბანში და მცხეთა საქართველოში – ავითარებს მართვის მოდელებს, რათა დაცული იქნეს მათი ზოგადსაკაცობრიო მნიშვნელობის
კულტურული მემკვიდრეობა შეიარაღებული კონფლიქტების საფრთხეებისგან, რის წინაშეც ისინი ცოტა ხნის წინ აღმოჩნდნენ.
მიუხედავად იმისა, რომ მსოფლიო მემკვიდრეობის ნუსხაში შესული ძეგლები მნიშვნელოვნად ამაღლებს ქვეყნის სტატუსს და ასევე ხელს უწყობს ეკონომიკურ განვითარებას, ფაქტობრივად არ ტარდება საჭირო ზომები (ორივე სამოქალაქო და სამხედრო უწყებების მიერ) 1954 წლის ჰააგის კონვენციისა და მისი ორი ოქმის შესასრულებლად. ეს დიდწილად განპირობებულია იმით, რომ არ არსებობს შესაბამისი უწყებრივი სტრუქტურები და შესაძლებლობა იმისა, რომ გატარდეს საჭირო პოლიტიკა და შემუშავდეს რისკის მზადყოფნის გეგმები. ამ ფაქტის გამო მსოფლიო მემკვიდრეობის ნუსხაში შესული ბევრი ქალაქი საფრთხის წინაშე აღმოჩნდა.
ამის გათვალისწინებით, 2007 წელს ახალი გაიდლაინები შემუშავდა ჰააგის კონვენციის მეორე ოქმის განსახორციელებლად, რაც, თავის მხრივ, გულისხმობს გარკვეული კრიტერიუმების დაკმაყოფილებას ძეგლისთვის გაძლიერებული დაცვის სტატუსის მინიჭებამდე. განაცხადისა და მასთან დაკავშირებული რისკის მზადყოფნის გეგმის მომზადება მოითხოვს დაინტერესებული მხარეებისა და სპეციალისტების ფართო სპექტრის (პოლიტიკოსები, ადგილობრივი ხელისუფლება, სამხედრო, ურბანული დაგეგმარების სპეციალისტები) მხარდაჭერასა და მონაწილეობას.
პროექტის მიზანია პარტნიორების დახმარებით იტალიასა და თურქეთში მომზადდეს ორი განაცხადი გაძლიერებული დაცვის სტატუსის მისაღებად და შესაბამისი გეგმები, რაც შემდგომში გამოყენებული იქნება, როგორც მოდელი სხვა ქალაქებისათვის. ეს ასევე გაზრდის ადგილობრივი და საერთაშორისო საზოგადოების მხარდაჭერას ჩვენი კულტურული მემკვიდრეობის შესანარჩუნებლად.
ამოცანები
- საუკეთესო პრაქტიკის დანერგვა შეიარაღებული საფრთხის წინაშე არსებული ურბანული მემკვიდრეობის მართვისას;
- საზოგადოების გათვითცნობიერება იმ საფრთხეების შესახებ, რომლის წინაშეც არის მსოფლიო მემკვიდრეობის ქალაქები შეიარაღებული კონფლიქტის დროს;
- განაცხადების მომზადება მცხეთისა და ბიბლოსისათვის იუნესკოსაგან გაძლიერებული დაცვის სტატუსის მოსაპოვებლად.
მოსალოდნელი შედეგები
- რისკის მზადყოფნის გეგმა ორი მსოფლიო მემკვიდრეობის ქალაქისათვის;
- ორი მომზადებული განაცხადი გაძლიერებული სტატუსის მისაღებად;
- საზოგადოების გათვითცნობიერება მსოფლიო მემკვიდრეობის ქალაქების წინაშე არსებული რისკების შესახებ;
- რისკების შემცირების პოლიტიკის გატარება;
- საუკეთესო პრაქტიკის დანერგვა ჰააგის კონვენციის სახელმძღვანელო პრინციპების განსახორციელებლად.