ჯუზეპე მაინო, 1977 წელს დაამთავრა ბოლონიის უნივერსიტეტის თეორიული ფიზიკის პროგრამა. 1984 წლიდან იყო იტალიის ახალი ტექნოლოგიების, ენერგეტიკისა და მდგრადი ეკონომიკური განვითარების ეროვნული სააგენტოს (ENEA) მკვლევარი და კოორდინირებას უწევდა არაწრფივ დინამიკაზე მომუშავე მკვლევართა ჯგუფს. 1994-2001 წლებში ამავე სააგენტოში მუშაობდა გამოყენებითი ფიზიკის განყოფილების დირექტორის მოადგილედ.
ამჟამად არის ENEA-ს სამეცნიერო დირექტორი ბოლონიაში და კომპიუტერული მეცნიერების პროფესორი ბოლონიის უნივერსიტეტში. იგი ლექციებს კითხულობდა ფლორენციის, პადუას, III რომის, მესინას, მოდენასა და რეჯიო ემილიას უნივერსიტეტებში, ასევე ტურინის ტექნიკურ უნივერსიტეტში, ბრაზილიის სან პაულოს უნივერსიტეტსა და რუსეთის მეცნიერებათა აკადემიის გამოყენებითი მათემატიკის კელდიშის ინსტიტუტში (მოსკოვი).
იგი ხელმძღვანელობდა 90-ზე მეტი სტუდენტის ნაშრომს ფიზიკაში, მათემატიკაში, საინჟინრო და კულტურული მემკვიდრეობის დაცვის სფეროში; არის 330-ზე მეტი სამეცნიერო სტატიის, ოცამდე მულტიმედია პროდუქტისა და კულტურული მემკვიდრეობის შესაბებ რამდენიმე წიგნის ავტორი. მიწვევით ჩატარებული აქვს 300-მდე ლექცია და სემინარი როგორც იტალიაში, ასევე საზღვარგარეთ.
მან 30 საერთაშორისო კონფერენციისა და ვორქშოფის ორგანიზებაში მიიღო მონაწილეობა. როგორც რედაქტორმა გამოსცა 15 კონფერენციის მასალები. შეიმუშავა და ხელმძღვანელობდა კულტურული მემკვიდრეობის დაცვისა და კომპლექსური სისტემების შესახებ არაერთ საერთაშორისო კვლევით პროექტს, რომლებიც ევროკავშირის მიერ 5.5 მილიონი ევროთი დაფინანსდა. 1981 წლიდან არის იტალიის პრესის ასოციაციის წევრი.