ემანუელ მაროკო, 2009 წელს დაამთავრა რომის Sapienza-ს უნივერსიტეტის განვითარებისა და საერთაშორისო თანამშრომლობის ეკონომიკის პროგრამა. 2011 წელს მუშაობდა მალტის რესურსების მართვის უწყებაში ენერგიის მართვისა და გარემოს დაცვის სფეროში და აკეთებდა მალტის საწვავის ბაზრისთვის ეკონომიკურ ანალიზს; ადარებდა და მონიტორინგს უწევდა საწვავის ფასებს, ხვეწდა ეკონომიკურ ინდიკატორებს, ქმნიდა მონაცემთა ბაზებს ენერგიისა და რესურსების მონიტორინგისათვის.
2010 წელს მუშაობდა იტალიის საგარეო საქმეთა სამინისტროს განვითარებისა და თანამშრომლობის გენერალურ დირექტორატში და მონაწილეობდა ლიბანსა და ალბანეთთან დაკავშირებული პროგრამების განხორციელებაში, მონიტორინგსა და შეფასებაში; იმავე წელს მუშაობდა აფრიკის სამედიცინო და კვლევით ფონდში (AMREF) და მონაწილეობდა „წყლის, სანირებისა და ჰიგიენის” პროექტში, რომელიც ხორციელდებოდა კენიაში, ტანზანიასა და ეთიოპიაში.
2009 წელს მუშაობდა სურსათისა და სოფლის მეურნეობის ორგანიზაციაში (FAO) და ასისტირებდა AGSF-ს სოფლის მეურნეობის მართვის, მარკეტინგისა და ფინანსური სამსახურის მიერ განხორციელებულ პროექტებს: სურსათის მარკეტინგი, ბაზარზე ინფორმაციის გატანა, სოფლის მეურნეობის სისტემების გაძლიერების სტრატეგიები და მეთოდები, სერვისებისა და ტექნოლოგიების მიწოდება წარმოებისა და მის შემდგომ პერიოდში.
2007 წელს იყო იტალიის მუდმივმოქმედ მისიაში გაეროში, სადაც მონაწილეობას იღებდა როგორც ასისტენტი გაერთიანებული ერების გენერალური ასამბლეის მეორე კომიტეტის 62-ე სამუშაო სესიაში, კერძოდ სამწლიანი მრავალხრივი პოლიტიკის გადასინჯვის (TCPR) დოკუმენტის შემუშავებაში, რომლის მიზანსაც წარმოადგენდა დახმარების სისტემის ეფექტურობისა და შედეგიანობის შეფასება განვითარებად ქვეყნებში.
2006 წელს მუშაობდა მოხალისედ ორგანიზაცია Abchildren Charity Onlus-ში; მონაწილეობას იღებდა სამხრეთ-აღმოსავლეთ ინდოეთში ბავშთა დახმარების პროგრამებში და ფონდების მოძიებაში, რომელთა მიზანს წარმოადგენდა თამილ ნადუს რეგიონში ცუნამის შემდგომი რეკონსტრუქციის, მიკროსაკრედიტო და სასწავლო პროგრამების განხორციელება.